La direction départementale de l'agriculture de Haute-Corse occupée par des agriculteurs
(A redazzioni d'Alta Frequenza) - Dipoi stamani (luni), i lochi di a direzzioni dipartimintali di l'agricultura in Bastia sò accupati da agricultori di a FDSEA è di u CDJA. U prublema : u numaru di cuntrolli di l'agricultori chì dumandani i primi pà l'allevu di i vacchi. Quandu u sciffru si trova trà 5 è 7% pà l'agricultori cuntrullati à l'azardu in cuntinenti, quissu quì hè di 20% in Corsica Suprana, com'è in Corsica Suttana, allora chì u numaru di prublemi hè calatu assai iss'ultimi anni, passendu da 38 cuntrolli suvitati da un ritiru parziali o sanu di a prima in u 2007 à 14 in u 2011. L'agricultori incalcani dinò nant'à i sforzi à parechji dipoi anni è anni ind'un rughjoni duva u cuntrollu hè più cà difficiuli cà in altrò di pettu à a mubilità di i bandi d'animali. U ministeru hà prupostu di calà à 15% issu sciffru di cuntrolli ; un affari chì ùn si pò accittà à parè di iss'agricultori quì, chì dumandani ch'ellu falessi à 7%.
On écoute Joseph Colombani pour la FDSEA.
