La famille et les amis de Paul Istria réclament le rapprochement de ce dernier
(A redazzioni d'Alta Frequenza) - A famighja è l'amichi di Paul Istria, miltanti naziunalistu cundannatu principiu di lugliu à 12 anni di prighjò ind'u quadru di u prucessu di membri pinsati di u FLNC, dittu di "l'orée du bois" d'Aiacciu, tiniani sabbatu una cunfarenza di stampa in Macà Croci. Un'adunita da affirmà torna un sustegnu forti à Paul Istria, à i trè altri parsoni sempri incarcerati inde issu cartulari, à i soi ma micca solu. In fatti, Corsica Libera è u CAR dumandani tuttu simpliciamenti, l'avvicinamentu di tutti quilli, ma dinò ch'ellu sia ingaghjatu un veru prughjettu ambiziosu, chì, aldilà di l'evuluzioni istituziunali di a Corsica è di tutti i cambiamenti liati, ricunniscessi l'esistenza di u populu Corsu, è un avvicinamentu di tutti i prighjuneri pulitichi isulani. Tuttu què da risolva, d'appressu à Olivier Sauli, "u cunflittu Corsu".
Écoutez Olivier Sauli.
Sur le même sujet
