La FFF et la LFP n'organiseront aucun match le 5 mai prochain
(A redazzioni d'Alta Frequenza) - A dicisioni hè cascata in principiu di dopu meziornu, a Federazioni Francesi di Ballò è a Lega di Ballò Prufessiunali ani dicisu, tramindui, di ùn urganizà più nisunu scontru prufessiunali nemancu amatori u 5 di maghju chì veni, data di i vinti anni di a catastrofa di Furiani. Hè dunqua a cuncretisazioni di una lotta di longu andà, purtata dipoi parechji mesi da i famighji di vittimi è i 38 000 signatarii di a petizioni lanciata à prò, pà chì issu ghjornu neru ind'a storia di u ballò francesi è di modu più largu di a Corsica sia cummemuratu di a manera adattata. Si tratta dinò di rispittà a prumessa fatta da i più alti autorità di u ballò è pulitichi calchì ghjornu dopu à a catastrofa. Una prumessa chì ùn era micca stata rispittata parechji volti dapoi tandu, ma chì a sarà stavolta pà issu vintesimu anniversariu à u minimu, u cumunicatu ùn pricisendu micca s'è issa dicisioni hè di un ordini difinitivu o nò.
On écoute la réaction de Lauda Guidicelli, une des instigatrices de l'initiative.
Sur le même sujet
