La gendarmerie de Montesoro mitraillée durant la nuit
(A redazzioni d'Alta Frequenza) - Mentri chì u ministru di l'Internu hè ghjuntu in Corsica arisera (marcuri) è ch'ellu farà parechji scontri è intratteni oghji, a gendarmeria di Montesoru hè stata mitragliata stanotti. Nimu hè statu feritu ma parechji impatti sò stati ritrovi annant'à i lucali di u gruppu di gendarmeria di Corsica Suprana. Una motò arrubata è distrutta pà una parti hè stata scuparta vicinu à l'uspidali di Bastia Falcunaghja. L'inchiestadori pensani ch'ella pudaria essa quilla di u o di i tiradori. Hè dunqua in ssu cuntestu quì ch'ellu principia a so visita ministiriali Bernard Cazeneuve.
