La gestion et le devenir des espaces ruraux et naturels en débat à Bastia
(A redazzioni d'Alta Frequenza) - A Bastia accuddarà da u 24 à u 26 d’Uttrovi prossimi una tola tondula trà i muri di u Cunsigliu Ghjenerali di u Cismonti pà l’Associu di u Dirittu Rurali. Si parlarà di a ghjestioni è di u diventà di i spazii rurali è naturali. Parechjii cunfarenzi è dibattiti tinarani lochi inghjiru à issi temi. Unu di quiddi hè privistu pà addunì ogni stratu cuncernatu, da u rughjoni à i sindicati agriculi, passendu pà u dipartimentu, i merri, i Camari D’Agricultura ò anzituttu a SAFER. Una prublematica sussistenti chì tocca à u fundariu è a so utilisazioni, ma dinò à i codici è leggi chì a reggiscini. È oghji, à l'ochji di certi, u bufeghju chì predumina inghjiru à issi dispusitivi è à a so priurità d'appiecazioni ùn parmetta micca di dirighja una pulitica misurata è cuerenti, anzituttu pà rapportu à l'urbanisazioni scatinata in u mondu rurali, in Corsica cum'è in altrò. Stemi à senta à u prufissori Jospeh Hudault, membru di l'Academia di l'Agricultura Francesi, è prufissori emeritu à l'università Paris-Panthéon-Sorbonne chì assicurerà a direzzioni scientifica d'issa tola tondula.
Asculteti à Joseph Hudault.
Sur le même sujet
