La grève se durcit à l'hôpital de Bastia
(A redazzioni d'Alta Frequenza) - Mentri chì in principiu di sittimana, u muvimentu di greva hè statu lanciatu da a CGT à l'uspidali di Bastia, quissu quì si rinforza pà daveru dipoi vintiquattru ori. Dopu à Force Ouvrière ssu marcuri, tocca oramai à u STC à entra in u cunflittu. L'intersindicali dumanda conti à a direzzioni di l'uspidali cuncirnendu a situazioni finanziaria di quissu quì chì saria assai pessima. U fattu chì l'uspidali sighi vechju, com'è duranti l'ultimi muvimenti di greva, hè statu dinunziatu, i bughjetti pà ciò chì tocca a so rinnuvazioni essendu sempri aspittati. Dinò, uparazioni certi volti impurtanti devini essa rimandati par via di l'assenza di sali d'uparazioni uparaziunali in un numaru chì bastessi è, altru pinseru maiò, certi medicini ùn sariani più dispunibuli o guasgi par via di pagamenti chì ùn sò micca stati assicurati. U presidenti di u cunsighju di survighjenza di l'uspidali, u merri di Bastia, Gilles Simeoni, hè andatu à scuntrà grevisti pà trasmetta, torna, i so dumandi à a direzzioni di l'uspidali.
Sur le même sujet
