La Haute-Corse, département où il fait bon vivre, mais marqué par l'insécurité routière, le trafic de drogue et les violences intrafamiliales
In Cismonti, dulci campà : eccu u missaghju purtatu da u prifettu Michel Prosic, è da i tanti sirvizia chì ani datu u bilanciu lla dilinquenza pà u 2023.
Cù 7 200 fatti di dilinquenza, vali à dì 40 par 1 000 abitanti, u Cismonti hè u sestu di i dipartimenti sicuri di francia. Và ancu à contrasensu di a tindenza di l’attacchi fatti à i bè, cù una calata di 4,2 % à l’annu.
L’abbotti sò 273, ed hè issu sciffru unu di i più bassi di francia.
44 % di i fatti sò risolti : ùn sò chè 33 % à liveddu naziunali.
I viulenzi in famidda, inveci, sò crisciuti di 19,4 %, cù 736 vittimi, ma l’affari a spieca forsa in parti a libarazioni lla parolla, chì hè in prugrissioni cuntinuva.
Ugnunu l’avarà rimarcata, i sciffri lla sicurità stradali vani à contrasensu di a tindenza naziunali : in un annu, sò crisciuti l’accidenti di 12 %, è i morti par istrada sò cuddati à 22 %, cù i vittimi chì pà u più stani in Corsica.
Steti à senta u prifettu llu Cismonti, Michel Prozic
Altru sciffru pessimu d’issu bilanciu, quiddu di u trafficu di droga, cù 345 % di crescita in un annu. Ancu s’iddu si pò spiicà in parti cù a presa accizziunali di 100 chilò di marcansia annu in portu di Bastia, dici qunatunca issu sciffru una crescita di u trafficu di canapu, di cucaina è ancu d’eruina.
Jean-Philippe Navarre, u prucuratori lla ripublica di Bastia, hà ancu ripresu i sciffri lli viulenzi in famidda : diciottu parsoni, donni in maior’parti, t’ani i telefuni da signalà piriculi maiò, è cinqui parsoni portani i braccetti anti avvicinamentu.
Steti à senta à Jean-Philippe Navarre.
Sur le même sujet
