La LDH Corse demande plus d’ambition, de courage et de volonté politique au gouvernement
(A redazzioni d'Alta Frequenza) - Dopu a visita in fin di sittimana scorsa inde l'isula di a ministra di a riforma di u Statu, di a Dicintralisazioni, è di a Funzioni Publica, a sizzioni Corsica di a Liga di i Diritti di l'Omi hà vulsutu fà cunnoscia u so parè. A LDH, una parti hà scuntratu à Marylise Lebranchu, com'è sfarenti membri di a sucità civili, stima chì a minista hà sappiutu mustrassi aparta annunziendu ch'ellu si pudia pinsà à a scrizzioni di a Corsica ind'a Custituzioni, è cuntinuendu u dialogu cù l'eletti di l'Assemblea di Corsica. Pà a Liga, hè natu un cuntestu novu. Dumanda dunqua à u guvernu d'essa più ambiziosu, d'essa più curaghjosu è d'avè di più vulintà pulitica, mittendu da cantu a strategia di i cundizioni di blucchimi, a viulenza clandestina arimani, a Custituzioni oghji, è di fà nascia un veru prucedimentu demucraticu è un veru dialogu cù tutti i parti di u mondu isulanu.
Steti à senta à André Paccou, pà a sizzioni Corsica di a LDH.
