La LDH de Corse a écrit à Marylise Lebranchu
(A redazzioni d'Alta Frequenza) - In una lettara aparta adirizzata à Marylise Lebranchu, ministra di a dicintralisazioni, è què à a vigilia di una visita in Corsica chì hè stata annulata dunqua, a Liga di i Diritti di l'Omi voli fà ricullà a collera è l'incumprensioni di a sucità corsa. Hè in tutti i casi u sintimu di a LDH propiu surpresa di gattiva manera da u fattu chì u ministru di l'Internu avissi sarratu a porta è rimandatu a raprisintazioni pulitica di l'isula à i so studii cari. A Liga di i Diritti di l'Omi hà presu in contu l'annunziu di u FLNC di piantà a viulenza pulitica, ma stima chì custituisci un elementu assai assai pusitivu, elementu chì d'appressu à ella ùn hè mancu appena logicu di pettu à a pulitica di sarratura dimustrata da u guvernu.
Steti à senta à André Paccou, dilegatu di a LDH in Corsica.
