La LDH monte au créneau sur "les tensions au sein de la prison de Borgu"
(A redazzioni d'Alta Frequenza) - Cunfarenza di stampa stamani (marti) in Aiacciu di a Lega di i Diritti di l'Omi di Corsica, frà altru in prisenza di Me Pintrel, avucatu à l'ordini di Corsica Suttana è membri di a LDH. Una cumunicazioni pà dinunzià torna una volta, com'è hè stata dighjà fatta da l'Associu Sulidarità, "tinsioni drentu à a prighjò di Borgu è accusazioni gravi di ditenuti contr'à funziunarii", sicondu a Lega. Sfarenti trattamenti "chì troppu sò durati", è chì accadariani di più in più dipoi calchì settimana. Una chjama lampata da a LDH à l'istanzi pulitichi lucali è naziunali i più alti, ma dinò à l'insemi di a sucità isulana, pà ciò chì hè, à parè di André Paccou, "un'uffesa à a dignità di i parsoni". Fatti chì pudariani dinò avè cunsiquenzi nant'à l'avvicinamentu di prighjuneri pulitichi in Borgu, sicondu u leader di a LDH di Corsica.
André Paccou.
Sur le même sujet
