La Ligue des Droits de l'Homme a organisé un débat sur le statut de résident
(A redazzioni d'Alta Frequenza) - Sabbatu, in Bastia, un dibattitu annant’à u statutu di residenti hè statu urganizatu da a Liga di i Diritti di l’Omi. Ci ani participatu rispunsevuli pulitichi, sindicali di parechji sinsibulità, ma dinò parsoni di a sucità civili. È s’è u statutu di residenti stessu hà fattu guasgi l’unanimità ind’i sfarenti intarvinanti, a quistioni di i corsi di fora hà inghjinnatu inveci parè diversi. S’è certi, com’è Corsica Libera, battini à prò di un’integrazioni di i corsi di fora, altri parsoni ani fattu cunnoscia i so dubbiti o ancu u so disaccordu pà ciò chì tocca l’integrazioni di ss’ultimi à u dispusitivu, postu ch’elli ùn stani micca inde l’isula. À mezu à i parsoni contr’à un’integrazioni di i corsi di fora, o in tutti i casi chì a ghjudicheghjani assai difficiuli, a Liga di i Diritti di l’Omi.
Steti à senta à Jean Pierre Dubois, presidenti d’unori di a Liga di i Diritti di l’Omi.
Sur le même sujet
