La lutte contre le fichage des élèves reconnue par la justice
(A redazzioni d'Alta Frequenza) - U Cullettivu Anti Base Élèves di Corsica, chì militeghja dipoi u 2007 contr'à a scrizzioni ghjiniralizata di i zitelli à a scola, hà cunnisciutu u 14 di ghjunghju una vittoria davanti à a ghjustizia. In fatti, u Tribunali Amministrativu di Bastia hà datu raghjoni à dui famighji di Corsica Suttana via un ghjudiziu parmittendu à tutti i parenti di Francia di fà valè u so dirittu d'uppusizioni à a scrizzioni di tutti i rinsignamenti nant'à i so fighjoli, inde ciò chì u Cullettivu cunsidareghja essa "a porta aparta à una scrizzioni sprupusitata di i sculari di Francia è ancu aldilà". Un veru sullevu pà i famighji chì vedini pà contu soiu infini ricunnisciutu, "un dirittu elementariu è fundali di u rispettu di a vita privata". Una dicisioni di ghjustizia chì intarveni com'è una ghjurisprudenza ind'a materia, ciò chì cunveni bella sicura à u Cullettivu.
Écoutez une de ses représentantes, Annie Biancarelli.
