La mairie, la poste et l'école de Tavera touchées par un incendie
(A redazzioni d'Alta Frequenza) - Hè partutu un focu ssu vennari da mani versu 5 ori è mezu in un locu induv’elli ci sò à tempu a casa cumuna, a posta è a scola di Tavera (Corsica Suttana). Sicondu i primi elementi racolti, i disguasti sò impurtanti. I spinghjifochi d’Aiacciu, Veru è Bucugnà intarvenini sopralocu. Scrizzioni contr’à u merri di a cumuna sò stati ritrovi vicinu, ani cunfirmatu i servizi di a prifittura di Corsica. Cunsiquenza par asempiu di ssi fatti, a quarantina di sculari chì ùn hè pussuta andà à scola oghji, sarà spartuta in i sfarenti scoli di u cantonu. Un'inchiesta hè aparta.
Sur le même sujet
