La majorité municipale de Bastia doit démissionner pour Francis Riolacci
(A redazzioni d'Alta Frequenza) - Aspittendu i riazzioni di François Tatti è di l'allienza Gilles Simeoni - Jean-Louis Milani - Emmanuelle de Gentili chì ùn si sò micca spressi dopu à a splusioni di a maghjurità municipali di Bastia, l'uppusizioni, pà contu soiu, tira à balli rossi. I dui eletti cumunisti di u cunsighju municipali, Francis Riolacci è Toussainte Devoti, sò più cà chjari : Gilles Simeoni è i so cumpagni devini rimetta u so mandatu in ghjocu pà quistioni di trasparenza. L'eletti cumunisti stimani chì ùn c'hè più maghjurità in casa cumuna di Bastia com'è in a CAB, è chì "a vittoria di i cunghjurati" un annu fà parti in pappina cù a sclusioni assai prubabili di François Tatti. Com'è no a vi diciami, sapemi dighjà chì François Tatti darà una cunfarenza di stampa à un'ora; Gilles Simeoni, hà dittu in fin di matinata chì una riunioni di a maghjurità era urganizata ind'a ghjurnata è ch'ella ci saria dopu una cumunicazioni.
Steti à senta à Francis Riolacci.
