La marche pour le climat à Ajaccio annulée
(A redazzioni d'Alta Frequenza) - Nulla ! Hè un "innò" propiu chjaru mandatu da u Statu à l'urganizatori di a marchja pà u clima chì si duvia tena ssu sabbatu in Aiacciu. In fatti, a prifittura di Corsica hà fattu sapè à l'urganizatori chì ss'adunita ùn pudia essa urganizata pà raghjoni evidenti presi à u nivellu naziunali. U prifettu di Corsica avaria difesu l'urganisazioni pà pudè uttena una derugazioni, una derugazioni chì hè stata ricusata senza una grandi surpresa. Ramintemi chì ssa marchja pà u clima si duvia tena u 28 di nuvembri in Corsica com'è in u mondu sanu, pà fà passà un missaghju à tutti i capi di Statu mundiali chì sarani aduniti in Parighji in u quadru di a COP21. Ss'urganisazioni sperani ch'elli ani da uttena una dimustrazioni franca è chjara di i cunsigni di custrizzioni pà cuntena a crescita di a timperatura sottu à 2 gradi pà a fini di u seculu.
Steti à senta à Jean Nicolas Antoniotti pà ciò chì tocca ss'annulazioni.
