La ministre de l’Apprentissage et de la Formation professionnelle en visite en Corse depuis hier
(A redazzioni d’Alta Frequenza) - A ministra di l’Amparera è di a Furmazioni prufessiunali, Nadine Morano, cuntinueghja u so viaghju in Corsica. Un viaghju chì hè principiatu arimani (marcuri) pà Aiacciu, duva iss’ultima hà scuntratu à i sculari è i parsunali di u CFA di i Paduli, ind’i futuri lucali di u polu alloghju è di furmazioni à i mistieri « energii di rinnovu ». A ministra, à traversu à issa visita, voli mustrà chì u Statu metti tuttu in ballu da parmetta à tutti i ghjovani d’inseriscia si inde l’impiecu è di prugressà, frà altru in Corsica. In fatti, iss’ultimu s’impegna inde l’isula, grazia frà altru à u novu cuntrattu d’ubbiettivi è di mezi, finanziendu u sviluppu di l’amparera à 5 millioni d’auri, à paru cù a CTC. Di modu più largu, ind’un cuntestu ecunomicu difficiuli, à chì postu stà l’amparera ? Hè una di i dumandi ch’è n’avemi posti à a ministra di l’Amparera è di a Furmazioni prufessiunali.
On l'écoute
Sur le même sujet
