La ministre des sports, présente en Corse, refuse de rencontrer le collectif des victimes de Furiani
(A redazzioni d'Alta Frequenza) - Ind'un cumunicatu, u cullettivu di i vittimi di a catastrofa di Furiani, chì vulia scuntrà a ministra di i Sports Valérie Fourneyron, in Corsica in ssu mumentu, annunzia chì u so cabinetu hà ricusatu qualsiasi scontru. Di fattu u cullettivu pighja in contu "u disprezzu, dimustratu torna una volta da u Statu (chì, rammintemu la, t'hà dinò a so parti di rispunsabilità ind'a catastrofa di Furiani) di pettu à a voglia di u cullettivu di i vittimi di a missa in opara d'azzioni pà ùn scurdà si micca di ciò chì hè accadutu u 5 di maghju di u 92, pà fà chì mai più un affari simuli si ripruducessi". Nutendu chì malgradu u sustegnu spressu da François Hollande, sempri candidatu, duranti a so visita in Corsica di marzu di u 2012, è da a ministra ind'una lettara di sittembri scorsu, u guvernu ùn hà mai accittatu di scuntrà u cullettivu, quissu quì stima chì u Statu "hà sceltu di modu chjaru u so mondu: quillu di i lobbies di u ballò à soldi... è quillu chì fughji davanti i so rispunsabilità stessi..."
