La MOBY Ferries de retour entre la Corse et le continent
(A redazzioni d'Alta Frequenza) - Luntanu da u cumbugliu corsu è marsighjesu, a MOBY Lines, chì si chjamarà da quì à calchì simana a MOBY Ferries in Corsica, hà annunziatu u rinforzu di i so ligni Bastia - Livornu è Bastia - Ghjenuva, ma soprattuttu l'apartura di una ligna trà Bastia è Nizza. Ssu ritornu nant'à u marcatu trà a Corsica è u cuntinenti, dopu à l'aventura corta di a ligna Bastia - Tulò in u 2010, hè stata riflittuta duranti un tempu longu pà divintà rialtà à partasi di u 1a di ghjunghju. U MOBY Zaza hà da prupona 322 000 piazzi pà un viaghju à ghjornu trà u 1a di ghjunghju è u 30 di sittembri, u viaghju fendusi duranti a nuttata fin'è u 15 d'aostu. Pà rispittà l'ubligazioni di serviziu publicu, u MOBY Zaza farà dui viaghji à simana d'uttrovi è unu di nuvembri è dicembri. Dinò, un battellu in più sarà prisenti in Livornu è piazzi in più sarani trovi pà Ghjenuva, a MOBY prupunendu 1 500 000 piazzi pà tutti i so distinazioni, vali à dì u doppiu di l'annata 2015. U scopu particulari nant'à a ligna cù Nizza : tuccà i 200 000 piazzi vinduti, mentri chì a cumpagnia n'avia vindutu 130 000 nant'à a so ligna cù Tulò in u 2010.
Steti à senta à Fabien Paoli, u presidenti di MOBY Lines France, chì volta dinò nant'à a situazioni attuali di u settori marittimu in Corsica.
Sur le même sujet
