La nouvelle station d'épuration d'Ajaccio est entrée en fonctionnement
(A redazzioni d'Alta Frequenza) - Dipoi calchì ghjornu, a nova stazioni d'epurazioni d'Aiacciu, di a CAPA si duvaria dì, viaghja. Ben chì u reattori chimicu ùn sia ancu à u massimu di i so pussibilità, ci vularà torna parechji ghjornu par ch'ellu fussi u casu, u nivellu d'epurazioni di l'acqui righjittati à u Ricantu hè dighjà bonu. Bon risultatu di issa missa in serviziu, a stazioni d'epurazioni di i Sanguinarii, bella stanca è sopracaricata, hà vistu un pesu cacciatu di mità di a so attività, ciò chì parmetti di pinsà di modu sirenu à u so rinnovu cumpletu. A stazioni di Campo dell'Oro, chì utilizeghja l'ultimi tennulugii in issa materia, parmittarà di righjittà ind'a natura acqui chì sarani epurati trè volti di più ch'ella n'imponi a norma attuali, ciò chì raprisenta una grandi suddisfazioni pà Simon Renucci. U merri d'Aiacciu ci hà dighjà prisintatu l'intaressu di issa nova stalazioni.
Écoutez Michèle Orlandi, ingénieur chef de projet à la CAPA.
Sur le même sujet
