La Nuit des Publivores le 4 février prochain au Palais des Congrès d'Ajaccio
(A redazzioni d'Alta Frequenza) - La Nuit des Publivores sbarca à u Palazzu di i Cungressi d’Aiacciu u 4 di farraghju. Criatu guasgi trenta anni fà, issu spettaculu prisenti inde più di 40 paesi, raprisenta a pruduzzioni publicitaria di una sissantina di naziunalità, nant’à un periudu andendu da u 1935 fin’è oghji. L’uccasioni di apra duranti 6 ori di prughjezzioni una finestra nant’à u mondu è di ciuttà si inde ambienzi ricchi è varii. Un spettaculu vivu à volta nant’à a scena chè ind’u publicu, cù numarosi animazioni musicali è di fantasia, ind’u quadru di festa è di gioia. Una bona idea pà u publicu aiaccinu è corsu in ghjinirali, pà issa prima dumenicata di farraghju, una sera duva prughjezzioni simuli sarani fatti in Liò è Messicu.
Écoutez Nathalie Battini, pour l’agence Enigma NMD Com’Events, à l’initiative de cet événement à Ajaccio, une première en Corse.
