La Poste: appel à la grève de la CFDT Corsica pour le 13 mars prochain
(A redazzioni d'Alta Frequenza) - A CFDT Corsica, terzu sindicatu di l'isula ind'è La Poste, chjama tutti l'impiecati à fà greva u ghjovi u 13 di marzu à 10 ori di mani davanti u scagnu di Santa Lucia in Aiacciu è davanti i lucali di a direzzioni in Bastia. A sizzioni righjunali faci passà à u pianu lucali una chjama naziunali lanciata da u so sindicatu, ma dinò da a CGT è SUD, pà fà cunnoscia l'inchietudini maiò di i salariati cuncirnendu i cunsiquenzi di u pianu strategicu da quì à a fin di u primu simestru 2014 annunziatu da u PDG di La Poste. À ssi prublematichi naziunali s'aghjustani quilli più lucali sicondu a CFDT Corsica, rilativi à i riurganisazioni à parechji, à l'assenzi micca rimpiazzati, à i suppressioni d'impiechi, à u mal essa à u travaghju, à un dialogu suciali chì ùn asisti micca, è à u sviluppu di i scagni in automatisazioni integrali.
Steti à senta u sicritariu righjunali S3C CFDT Corsica, Dominique Bouard.
Sur le même sujet
