La Poste: préavis de grève illimitée au bureau de distribution d’Ajaccio Ville
(A redazzioni d'Alta Frequenza) - A CGT hà postu un preavisu di greva illimitata à partasi di dumani (marti) pà u scagnu di distribuzioni d'Aiacciu Cità contr'à i suppressioni d'impiechi imposti da a Direzzioni di La Poste ind'u quadru d'una nova riurganisazioni. I parsunali mettini in evidenza rivindicazioni numarosi : l'arrestu di i suppressioni d'impiechi, l'aparturi di neguziazioni veri cù a direzzioni arrimbendu si à u prughjettu prisintatu da a CGT, a missa in ballu d'urganisazioni senza pruduttività nè flessibilità cù criazioni d'impiechi nicissarii in tutti i servizii, a rigularisazioni di tutti i CDD in CDI, è l'arrestu di a distruzzioni di i servizii eppo rimetta in ballu un serviziu pustali chì rispundessi à i bisogni di l'usadori.
