La Poste s'engage pour la promotion de la langue corse
(A redazzioni d'Alta Frequenza) - La Poste è a lingua corsa : un matrimoniu micca impussibuli, è chì s'hè ancu cuncretizatu pocu fà, grazia à a firmatura di a famosa Cartula di a Cullettività Tarrituriali di Corsica da a direzzioni righjunali di La Poste. Dopu à parechji cumuni, cullettività, stabilimenti publichi, uffizii è associ chì l'ani dighjà firmata, tocca oramai à ss'attori di tarrenu maiò di a sucità isulana d'impignà si pà a prumuzioni di a lingua corsa nentru à u mondu prufiziunali. Parechji azzioni sarani dunqua missi in opara pà riescia ssu scopu, è quissi quì duvarani essa rializati da quì à 3 anni. Un impegnu forti è chì tinia à cori à La Poste, com'è a ci spieca u so direttori righjunali pà a Corsica, Bernard Espinasse, chì ci prisenta dinò u dispusitivu chì sarà missu in ballu pà sbuccà ci.
Ecoutez-le.
