La problématique des transports, ingrédient essentiel dans une politique publique efficace
(A redazzioni d'Alta Frequenza) - Tutti l'attori di l'ecunumia isulani ani cumandatu un studiu annant'à a valutazioni di u preghjudiziu ecunomicu è finanziariu di l'intrapresi corsi liatu à a greva ind'u marittimu di l'istati scorsu, vi n'avemi dighjà parlatu. I dui ecunumisti Marc Simeoni è Guillaume Guidoni ani da travaghjà dunqua annant'à un prublema chì và aldilà di i simplici intaressi cumirciali di calchì intraprenadori. Si tratta piuttostu di una quistioni filosofica fundali annant'à u rollu di a pulitica publica ind'u sviluppu ecunomicu. In fatti, sicondu i dui spicialisti pà a Corsica, a prublematica di i trasporti hè unu di l'ingredienti essenziali in una pulitica publica efficaci. Si devi lacà a pulitica di i trasporti è a pulitica ecunomica tuttu simpliciamenti ind'i soli lochi di a dicisioni pulitica ?
Steti à senta à Marc Simeoni, chì ci dà u so parè.
