La problématique du foncier agricole au centre d'une réunion d'information à Vero
(A redazzioni d'Alta Frequenza) - U sindicatu di i Ghjovani Agricultori di Corsica Suttana urganizeghja ssu marcuri à partasi d'un'ora una riunioni d'infurmazioni in Veru, chì si chjama "Pruprietarii di tarreni : Comu tena, urganizà è valurizà u so fundariu agriculu?" Un'azzioni rializata in partenariatu cù a cumuna è cù u cuncorsu di l'ODARC, di a SAFER è di a Camara dipartimintali d'agricultura, chì t'hà com'è scopu di caccià i dubbiti chì poni asista inghjiru à a missa à dispusizioni di u fundariu agriculu. Una prublematica bullenti di u fundariu agriculu in Corsica, à u mumentu chì a speculazioni cresci di più in più, è mentri chì l'Assemblea di Corsica hà vutatu calchì ghjornu fà cù una bella maghjurità urientazioni strategichi pà fà di l'agricultura infini un veru mutori di u sviluppu di l'isula.
Prisintazioni cù Florence Leca, animatrici nentru à u sindicatu di i Ghjovani Agricultori di Corsica Suttana.
Sur le même sujet
