La ségrégation envers la Corse par la instances du football en débat à l'assemblée territoriale
(A redazzioni d'Alta Frequenza) - Prima d'asaminà sfarenti raporti à u prugramma di a seenza di l'assemblea di Corsica di ssu ghjovi, com'è quillu annant'à a pianificazioni pà a nurmalisazioni di a lingua corsa è u prugressu ver di una sucità bislingua, chjamatu Lingua 2020, l'eletti tarrituriali ani postu com'è sempri quistioni à bocca à l'Esecutivu di Corsica. In apartura, ci n'era una di u gruppu Corse Social Démocrate, posta da Antoine Orsini, annant'à un sughjettu bullenti, a "segregazioni ver di a Corsica da a parti di l'istanzi naziunali di ballò". Una dumanda chì intarveni a ramintemi dopu à a finali di a cuppa di a Liga di sabbbatu scorsu trà u SC Bastia è u Parighji Saint Germain, induva u protocolu nanzi à a partita ùn hè micca statu rispittatu da u presidenti di a Liga di Ballò Prufiziunali, Frédéric Thiriez, ricusendu di falà annant'à u tarrenu pà stringhja a manu à i ghjucadori, timendu "incidenti" d'appressu à ellu. Un prublema chì, aldilà di u quadru spurtivu, entri piuttostu quì ind'u campu puliticu, sicondu Antoine Orsini, chì dinunzia una "discriminazioni", una "segregazioni evidenti" contr'à u Sporting, è atti ripituti à ssu nivellu da Frédéric Thiriez. Dopu à "ss'offesa" contr'à a Corsica in generali, l'elettu CSD hà dumandatu à Paul Giacobbi di ghjirassi ver di u ministru di i Sports pà pudè fà compia ssa situazioni.
Steti à senta à Antoine Orsini.
Sur le même sujet
