La Semaine Bleue pour lutter contre l'isolement des personnes âgées
(A redazzioni d'Alta Frequenza) - U Cunsighju Ghjinirali di Corsica Suttana, è u so CODERPA (Cumitatu Dipartimintali di i Ritirati è Parsoni Anziani), urganizavani stamani (ghjovi) un seminariu chjamatu "Solidarités: Lutter contre l'isolement". Quissu quì si scrivia ind'u quadru di a "Settimana Turchina" à u nivellu naziunali, didicata à i ritirati è à i parsoni anziani, cù com'è tema quist'annu "Invichjà è Agiscia Insemi ind'a Cumunità". U Cunsighju Ghjinirali hà dicisu dunqua di luttà contr'à ssa prublematica di i parsoni anziani soli, chì cumencia à divintà di più in più impurtanti in Corsica ma micca solu, par via di una pupulazioni di più in più vechja. U rollu di i prufiziunali è di l'associ caritativi hè di primura, par asempiu pà ciò chì tocca à a ricerca di ssi parsoni chì campani ssa situazioni difficiuli.
Steti à senta à Stéphane Vannucci, presidenti dilegatu di u CODERPA di Corsica Suttana.
