La situation dans le camp libéral avec Marie-Antoinette Santoni-Brunelli
(A redazzioni d'Alta Frequenza) - Com'ella si pudia induvinà, l'annata cumencia in furia in furia in materia di campagna eletturali, in Corsica com'è in altrò. Vistu l'avenimenti di iss'ultimi ori, pari bè chì tutti i colpi sò parmissi, in issa campagna, è què, qualsiasi u latu puliticu. Senza vulè trattà di un'ipotetica deontulugia di u mistieru di ghjurnalistu - ognunu t'hà a soia nant'à a quistioni - pari bè chì a più grandi prudenza sia nicissaria, pà ciò chì tocca à d'induva ghjunghji di tali o tali infurmazioni, issi famosi fonti. Fonti par disgrazia, à spessu influenzati da parechji manipulazioni in numarosi duminii. Pruvaremi dunqua, ind'i settimani à vena, di dà vi l'infurmazioni chì sò stati verificati u più pussibuli, da schisà qualsiasi dillusioni o infiarata mediatica. L'intervista firmendu u valori sicuru pà una radiu, emi sceltu issu mezu pà fà vi bè senta u cumbugliu chì stà drentu à u campu liberali. Iss'ultimu hè in ricustruzzioni ! Hè l'affirmazioni tanti volti ripituta da "une Nouvelle Corse", criata da ghjovani liberali à u lindumani di l'alizzioni tarrituriali. Un'accumpulera d'individualità ùn pò micca fà un gruppu puliticu cuerenti, hè u sintimu di Marie-Antoinette Santoni-Brunelli, à i manechji cù Jean-Martin Mondoloni di "une Nouvelle Corse".
Écoutons, Marie-Antoinette Santoni-Brunelli.
Sur le même sujet
