La situation du Centre de Musiques Traditionnelles évoquée à l'Assemblée de Corse
(A redazzioni d'Alta Frequenza) - L'Assemblea di Corsica s'hè adunita oghji (ghjovi) pà asaminà à mezu à i sughjetti i più impurtanti i so urientazioni bughjettarii pà l'annu 2014. Un dibattitu difficiuli è certi volti fastidiosu chì hè impurtantissimu malgradu tuttu ind'a vita di un'istituzioni, parchì cundiziuneghja a vita amministrativa di a Cullettività di Corsica pà l'annu chì veni. Urientazioni di bughjettu chì sò ind'un ambienti ecunomicu difficiuli, liatu soprattuttu à un cuntestu naziunali o ancu internaziunali difficiuli dinò. U cuntestu lucali, d'appressu à Paul Giacobbi, hè ind'una situazioni di rigori ma ind'è noi eppuru ùn hè micca veramenti un bughjettu di rigori chì hè statu prisintatu; ci vultaremi. Nanzi à u principiu di ss'asmini quì, l'Assemblea di Corsica hà vistu torna ind'u so emiciculu una seenza nova di quistioni urali, è emi rilevatu quilla posta da Josette Risterucci nant'à u Centru di Musichi Tradiziunali. A risposta di l'Esecutivu ùn hè micca piaciuta daveru à u gruppu Femu a Corsica; emi dumandatu à Saveriu Luciani à a fin di ssi quistioni parchì ùn era micca suddisfatu.
Steti à senta u cunsighjeru tarrituriali Femu a Corsica.
Sur le même sujet
