La SNCM fait appel à des bateaux sous pavillon grec et italien : la réaction de Paul-Marie Bartoli
(A redazzioni d'Alta Frequenza) - Riazzioni di Paul Marie Bartoli, Presidenti di l'Uffiziu di i trasporti di a Corsica, dopu à l'annunziu di a dicisioni di a SNCM d'utilizà battelli di bandera greca è taliana pà assicurà u trafficu maritimu. Pà Paul Marie Bartoli, "issa dicisioni s'accetta ancu di menu ch'ella ghjunghji da una cumpagnia chì hà sempri mustratu a so scuntentezza contr'à a cuncurrenza sviata par via, sicondu ella, di l'utilisazioni di issi battelli cù banderi stragneri." U presidenti cuntinueghja dicendu chì "ùn si pò capiscia chì una cumpagnia chì sà chì dui di i so battelli ùn pudarani micca assicurà i viaghji maritimi nant'à a staghjoni, s'urganizessi cù un ritardu è una mancanza di cunsiderazioni simuli pà uttena l'autorisazioni nicissarii ind'è l'autorità amministrativi." Hè propiu surpresu dinò "chì issa scelta micca cunsiquenti intarvinessi à u mumentu di a finalisazioni di l'attribuzioni di a dilegazioni di serviziu publicu pà u maritimu trà i porti di Corsica è Marseghja." Pà u presidenti di l'OTC, "una greva illimitata daria un colpu fatali à l'ecunumia isulana particularmenti indebbulita pà issi tempi di crisa. Pudaria inghjinnà dinò a sparizioni di a SNCM cù cunsiquenzi dramatichi in tarmini d'impiechi."
