La SNCM placée en redressement judiciaire : réaction de la direction
(A redazzioni d'Alta Frequenza) - A direzzioni di a SNCM hà riagitu à a dicisioni di u tribunali di cummerciu di Marseghja di metta a cumpagnia in addirizzamentu ghjudiziariu ssu vennari. U tribunali hà dicisu "di scartà a liquidazioni subbitu subbitu" di a SNCM, dici a direzzioni. Una dicisioni chì "apri una tappa dicisiva nova pà l'avvena. L'intrata in Addirizzamentu Ghjudiziariu lancia u principiu di u tempu d'usservazioni è hà da parmetta di lampà di manera ufficiali a chjama à l'ufferti pà i pruprietarii novi", si pò leghja in un cumunicatu. "A direzzioni si batti dipoi a so ghjunta pà schisà a liquidazioni è traccià a strada chì parmittarà di tena u perimetru d'attività u più largu è u più impieghi. U prughjettu industriali ch'ella hà appruntatu dà a dimustrazioni chì un perimetru d'attività pò essa à l'equilibriu. Custituisci un vantaghju pà truvà u più bonu pruprietariu novu pussibuli è assicurà a seguita di l'uparazioni", compii a direzzioni di a cumpagnia marittima.
