La Squadra Corsa privée du terrain de Furiani pour son match amical
(A redazzioni d'Alta Frequenza) - Com'è ogni annu à listessa epica, a Squadra Corsa urganizeghja unu o parechji scontri amichevuli contr'à squadri internaziunali, nant'à i tarreni d'Aiacciu o di Bastia. L'ultima cunfruntazioni trà a selezzioni Corsa è a Bulgaria di maghju di u 2011 à u stadiu François-Coty, ci n'arricurdemi, era statu un grandi successu, è par via di un turn-over, quist'annu hè in Armand-Cesari chì ci duvaria essa una nova festa di u ballò isulanu, u 24 di maghju chì veni contr'à una selezzioni allenata da Gérard Houiller è cumposta di parechji ghjucadori aurupei. Una partita da cummemurà i vinti anni di a catastrofa di Furiani, chì ùn si pudaria in fin di contu micca ghjucà in Bastia. In fatti, d'appressu à u cumitatu d'urganisazioni di a Squadra, a Cumunità d'Agglumerazioni di Bastia s'uppunaria à iss'affari, ammintendu l'indispunibilità di a struttura pà issa data quì, u tarrenu di Furiani duvendu essa rinnuvatu. Una dicisioni chì imbestia è metta in zerga à Dédé Di Scala, chì si duvarà mova forsa da truvà un tarrenu di scambiu.
Écoutez-le
