La stratégie du logement d'abord pour venir en aide aux plus démunis
(A redazzioni d'Alta Frequenza) - Eri dopu meziornu (luni), u prifettu di Corsica Patrick Strzoda avia adunitu frà altru à u Palazzu Lantivy associ, cullettività lucali è servizii di vicinanza di u Statu pà una riunioni di prisintazioni di a strategia ditta di l’alloghju prima. Di pettu à a prissioni criscenti di l’urghjenza, l’idea hè di mighjurà u serviziu resu à i senza alloghji o à i parsoni chì pudariani cascà in issa situazioni, dendu a priurità à l’azzioni andendu à prò di l’accessu direttu à l’alloghju. Da sbuccà ci, trè assi maiò sò spuntati grazia à un travaghju di tutti l’attori in issa materia pà a Corsica Suttana. Prima, fà crescia u numaru d’alloghji suciali attribuiti à i famighji allughjati o senza casa à traversu à l’ufferta attuali, arrichendu à volta un soffiu novu à iss’ultima. Dopu, sviluppà servizii d’accumpagnamentu inde l’alloghju, in leia cù a diversità di i bisogni. Eppo infini sviluppà i pinsioni di famighja, cù una prima rialisazioni privista pà u 2012, pà una dicina di posti, cù un co finanziamentu aurupeu. Da nutà dinò a custruzzioni di un centru d’alloghju d’urghjenza di Mezavia chì rimpiazzarà l’ascosu di notti d’inguernu è viaghjarà tutta l’annata à partasi di u 2013.
Présentation globale de cette stratégie avec le préfet de Corse, Patrick Strzoda
Sur le même sujet
