La terreur a frappé à Nice
(A redazzioni d'Alta Frequenza) - Torna u tarrori è u spaventu arisera (ghjovi). Mentri chì u focu d'artifiziu di u 14 di lugliu era compiu in Nizza, un camiò cunduttu da un omu hè andatu à pichjà contr'à decini è decini di parsoni nant'à a promenade des Anglais, nant'à guasgi 2 chilometri. U bilanciu hè impurtanti : 84 morti è 18 feriti in urghjenza assuluta. U presidenti di a Republica, François Hollande, chì hà parlatu di "un attaccu à u carattaru tarruristu" hà dicisu di prulungà di trè mesi u statu d'urghjenza chì si duvia compia u 26 di lugliu. U cunduttori di u camiò, tombu da a pulizza, saria un tunisianu cunnisciutu da i servizi di pulizza, ma micca cù una scheda S.
Sur le même sujet
