La Ville d'Ajaccio adopte son budget primitif 2015
(A redazzioni d'Alta Frequenza) - A Cità d’Aiacciu hà aduttatu arisera (marti) u so bughjettu primitivu pà l’annata 2015, u prima « veru » bughjettu di a mandatura Marcangeli. Hè guasgi di 117 millioni d’auri. I spesi di funziunamentu raprisentani guasgi 77% di quissu quì, cù a parti a più impurtanti pà i spesi di parsunali. Un bughjettu primitivu in crescita di 5% di pettu à quillu di l’annata scorsa. Dui urganisimi vedini malgradu tuttu i so aiuti calà assai : l’Uffiziu di u Turisimu è u Centru Cumunali d’Azzioni Suciali. S’è l’uppusizioni municipali ùn s’hè micca upposta di una manera putentissima à ssu bughjettu, ùn hà micca vulsutu participà à u votu quantunqua.
