Lancement de la campagne de sécurité des loisirs nautiques en Corse
(A redazzioni d'Alta Frequenza) - C'hè l'uparazioni interministiriali Vacanzi, urganizata da u Statu in principiu d'istati è chì prisenta tutti l'azzioni purtati da i servizi publichi in materia di prutezzioni di i pupulazioni in vacanzi, è tocca ben intesu settori numarosi. C'hè dinò a campagna di securità di l'attività acquatichi, chì dipendi ella solu di u CROSS è dunqua di a prifittura marittima di u Mediterraniu. Ancu s'ella ferma appena liata à l'uparazioni Vacanzi, a presa in contu di i cosi di u mari si faci di una manera assai particulari da i servizi spicializati. In fatti, u mari, ùn hè micca solu a piaghja parchì, ancu s'ellu ùn si passa micca subbitu in navigazioni ditta in altu, quandu omu viaghja annant'à l'onda, l'urganisazioni di i succorsi dipendi di marinari prufiziunali. L'uparazioni lanciata da u CROSS và dunqua ver di i pupulazioni in vacanzi, chì sò annant'à a rena ma dinò chì vani annant'à l'acqua è quì dinò, u ramentu à a prudenza hè maestru. In fatti, u prima periculu, pà l'amatori di u mari è di l'attività praticati quì, sò i parsoni stessi chì ùn rispettani micca, suventi par via di a gnurenza, i reguli essenziali di securità. Una verità devi essa ditta cù forza da u CROSS : in Mediterraniu, u ventu tomba ! Un'infurmazioni impurtantissima devi essa cumunicata da un'antra banda à tutti quilli chì sò in vacanzi : un novu numaru d'urghjenza di u CROSS hè statu missu in ballu. Un numaru gratisi chì com'è u 15, u 18 o u 112 hè un numaru priuritariu : si tratta di u 196.
Steti à senta à Christophe Merit, dilegatu à u mari è à u liturali pà a Corsica Suttana ; raprisenta u prifettu marittimu di Tulò.
Sur le même sujet
