Langue corse : coup de projecteur sur le site parlamicorsu.com de la ville d'Ajaccio
(A redazzioni d'Alta Frequenza) - Ind'u quadru di a so pulitica à prò di a lingua corsa, à traversu una dimarchja d'azzioni è di furmazioni chì si chjama "Bain linguistique", a cità d'Aiacciu hà lanciatu ind'u 2010 un situ internet, parlamicorsu.com. Quissu quì t'hà pà scopu di valurizà è di diffusà un travaghju rializatu duranti parechji mesi ind'i ciucciaghji, scoli materni è centri d'asgi di a cità Imperiali participendu à a dimarchja. Un situ pà un publicu largu, è chì dipoi ch'ellu asisti vedi a so fraquintazioni crescia di più in più, trapassendu pà a so terza annata d'attività i 60 000 visiti nant'à 12 mesi. Un successu chì dà di più creditu à a pulitica di a squadra municipali, com'è a ci spieca Tumasgiu D'Orazio, cunsighjeru incaricatu di a lingua corsa.
Écoutez-le.
Sur le même sujet
