Langue Corse : Jean-Jacques Panunzi juge la co-officialité discriminatoire
(A redazzioni d'Alta Frequenza) - U famsosu dibattitu nant'à a cuufficialità di a lingua Corsa hà principiatu stamani (ghjovi). Dopu à una prisintazioni di u raportu da u cunsighju esecutivu da Petru Ghionga, parechji cuntribuzioni sò stati dati da l'eletti di l'Assemblea di Corsica. Marie Antoinette Santoni Brunelli hà fattu un'intarvinzioni cù assai emuzioni ma soprattuttu assai "pulitica" hà ditta quissa quì è micca "ghjurista o custituziunalista". U tonu hè statu datu. U presidenti Dumenicu Bucchini hà stimatu anch'ellu chì issa cuufficialità ùn era mancu appena un fattori di sclusioni. Una prova di demucrazia è d'integrazioni hà dittu u presidenti di l'Assemblea di Corsica, chì hà rifattu u longu parcorsu è i sfarenti deliberazioni presi nant'à u sughjettu di a lingua. Ma a ci pudiami aspittà, issa nuzioni di cuufficialità ùn faci micca l'unanimità. Di fattu, Jean Jacques Panunzi stima chì a lingua Corsa ùn hà micca bisognu di un regissori. Và ancu di più luntanu, cunsidarendu chì a cuufficialità saria discriminatoria è pudaria ancu sbuccà nant'à a nuzioni di prifarenza naziunali.
Extrait de l'intervention de Jean-Jacques Panunzi
Sur le même sujet
