Langue corse : l'APC réaffirme son opposition à la réforme du collège
(A redazzioni d'Alta Frequenza) - L’Associu di i Parenti Corsi inchietu pà l’avvena di a lingua corsa in u quadru di a riforma di u culleghju ! Duranti una cunfarenza di stampa urganizata sabbatu in Aiacciu, l’APC hà prisintatu un insemi di critichi inghjiru à ssu cambiamentu vulsutu da a ministra di l’Educazioni naziunali. Aldilà di a rimissa in causa sicondu l’associu di parenti d’elevi di i fundamenti di l’insignamentu « tradiziunali », a missa in cuncurrenza d’appressu à elli di u corsu cù altri insignamenti novi privisti pà ssa riforma hè sicura è sarà un scumpientu. A suluzioni : chì l’Assemblea di Corsica t’avissi un trasferimentu di cumpetenzi in materia d’educazioni pà pudè gistiscia u calendariu, i ritimi sculari, ma dinò u cuntinutu di l’insignamentu.
Steti à senta à Denis Luciani.
Sur le même sujet
