Langue corse : la mairie d'Ajaccio réagit après les propos de Nicolas Sarkozy
Langue corse : la mairie d'Ajaccio réagit après les propos de Nicolas Sarkozy et Jean-Luc Mélenchon
(A redazzioni d’Alta Frequenza) - A lingua corsa, è di modu più largu a firmatura da a Francia di a Cartula Aurupea di i lingui minuritarii, custituiscini o micca una via di spartera, o di rumpitura trà i sfarenti currenti di manca ? Una dumanda chì ùn si pò schisà pà issu periudu di pruspezzioni eletturali. Sò numarosi, è ancu drentu à u partitu cumunistu, ad avè fattu sapè a so scuntentezza di pettu à i dichjarazioni fatti nant’à issu tema da Jean-Luc Mélenchon nanzi à u so viaghju in Corsica, è di i dichjarazioni ripituti duranti u meeting ch’ellu hà fattu in Bastia chì hè pocu. U leader di u Fronti di Manca l’hà ditta forti : ùn hè micca contr’à issa cartula nant’à i lingui minuritarii ma contr’à certi articuli di quissa quì, chì pudariani crià ciò ch’ellu chjama una « frammentazioni di i diritti suciali ». Ùn si scumparti micca tantu issa pusizioni è frà altru da u cantu di a merria d’Aiacciu drentu à a squadra di Simon Renucci. Tumasgiu d’Orazio, cunsighjeru municipali incaricatu di a lingua corsa avia, ci n’arricurdemi, riagitu cù forza à l’infrasata di Nicolas Sarkozy, sicondu a quali : " Quand on aime la France, on ne propose pas de ratifier la charte des langues régionales". Un discorsu fora di sensu pà Tumasgiu d’Orazio.
Écoutez Tumasgiu D'Orazio.
