Langue corse : retard sur les objectifs fixés par le plan 2007-2013 de la CTC
(A redazzioni d'Alta Frequenza) - À l’uccasioni di l’ultima seenza di i quistioni urali à l’Esecutivu di Corsica, u gruppu Femu a Corsica hà parlatu torna una volta di u prublema di a lingua corsa. Quissu quì faci un custatu di i più amari, di pettu à i scopi difiniti da u pianu strategicu 2007-2013, ammintendu un ritardu assai impurtanti frà altru in materia di ghjiniralisazioni di i filieri bislingui ind’u sicundariu. Una situazioni paradussali, à u mumentu duva l’eletti di a Corsica duvarani prisintà d’aprili un prughjettu di cuufficialità. Femu a Corsica lampa una chjama à u retturatu cù issa dumanda : parchì i scopi ùn sò ancu à sbuccà oghji ? I naziunalisti chjamani dinò u Statu, nant’à l’evoluzioni di a lingua, è a capacità à neguzià un statutu di cuufficialità, fendu crescia di fattu un « Riacquistu sucitali ». Intarrugazioni ancu di più forti, chì un avenimentu, micca strasurdinariu à dì la franca, hè accadutu dapoi tandu : u testu di legi pà firmà a Cartula aurupea di i lingui minuritarii, chì facia parti di u prugrammu di u cunsighju di i ministri a settimana scorsa, hè statu cacciatu finalmenti à l’ultimu mumentu. A raghjoni : un avisu negativu di u Cunsighju di Statu chì stima chì a Cartula và à l’incontru di a Custituzioni.
Ecoutez Saveriu Luciani, conseiller territorial Femu a Corsica.
Sur le même sujet
