Laurent Marcangeli a démissionné : les Ajacciens retrouveront les urnes en janvier
(A redazzioni d'Alta Frequenza) - U diputatu è merri d'Aiacciu, Laurent Marcangeli, hà dicisu di demissiunà di u so postu di merri arimani (vennari). Ss'ultimu s'hè adunitu cù i so 36 cunsighjeri municipali ghjovi pà pudè pighjà ssa dicisioni. Tuttu u cunsighju municipali darà dunqua a so demissioni à u prifettu di Corsica. Una dicisioni chì sarà ufficializata luni chì veni, à l'uccasioni di u cunsighju municipali dopu à l'aduzzioni di u bughjettu supplementariu. Ssa demissioni hè di sicuru una risposta à a dicisioni di u tribunali amministrativu di Bastia chì hà annulatu l'alizzioni di u mesi di marzu scorsu, pà scruccunarii. Ssa demissioni t'hà pà cunsiquenza di fà andà i cosi più in furia è di rimandà à l'urni l'aiaccini à cortu andà. Duvaria essa pà i quindeci primi ghjorni di u mesi di ghjinnaghju. Pà contu soiu, l'anzianu merri d'Aiacciu Simon Renucci hà annunziatu ch'ellu vulia aduniscia a so famighja pulitichi è forzi di prugressu pà pudè ricunquistà a casa cumuna. Purtarà una lista pà ss'alizzioni nova ? A dicisioni ùn hè ancu stata presa da ss'ultimu.
Sur le même sujet
