Laurent Marcangeli clôt la campagne du premier tour des municipales d'Ajaccio
(A redazzioni d'Alta Frequenza) - Cunsiquenza di l'urganisazioni di a campagna eletturali fatta da i candidati stessi, hè Laurent Marcangeli chì hà cuncludi annant'à i nostri ondi. C'era in fatti assai mondu arisera (ghjovi) inde u hall di u Palazzu di i Cungressi d'Aiacciu induva Laurent Marcangeli hà fattu davanti à più di milli parsoni u so sicondu meeting di campagna pà a municipali di dumenica, dopu à quillu urganizatu ghjustu nanzi à Natali. Parechj parsunalità di a diritta isulani sò ghjunti pà sustena l'anzianu merri è i so cumpagni di lista com'è u presidenti di u cunsighju generali suttanacciu è senatori Jean Jacques Panunzi, u diputatu di Corsica Suttana Camille de Rocca Serra, o ancu pà a famighja di u centru u capimachja di l'UDI in Corsica Jean Toma. Laurent Marcangeli hà trattatu i sfarenti tematichi chì custituiscini u so prugramma, à mezu à discorsi uffensivi è una voglia putenti di dà un soffiu novu à a cità imperiali. Com'è tutti l'altri candidati, Laurent Marcangeli ci hà accurdatu un'intervista longa chì veni dunqua à chjoda ssa campagna di prima ghjiru.
U stemi à senta.
