Laurent Marcangeli élu sans surprise président de la CAPA
(A redazzioni d'Alta Frequenza) - Ùn c'hè stata nisun surpresa daveru stamani (marcuri) duranti a missa in piazza di a nova squadra dirighjenti di a Cumunità d'Agglumerazioni di u Paesi Aiaccinu. Laurent Marcangeli, com'è privistu, hè statu elettu cù una maghjurità propiu cunfurtevuli presidenti, una maghjurità tuttu simpliciamenti d'altrondi, parchì ùn c'hè micca stata uppusizioni veradimenti. In fatti, annant'à i 48 voti spressi duranti l'alizzioni, u merri d'Aiacciu hà uttenutu 46 voti pusitivi, è dui voti sò stati bianchi. Annant'à i 54 membri di u cunsighju cumunitariu di a CAPA, trè parsoni erini assenti dunqua, com'è José Filippi, è u gruppu d'uppusizioni di a municipalità d'Aiacciu ùn hà micca participatu à u votu. Laurent Marcangeli s'hè filicitatu di ssu votu assai maghjuritariu è hà presu cunniscenza di sicuru di u cuntinutu di u risultatu. In fatti, i merri di manca è naziunalisti ani vutatu pà Laurent Marcangeli, ciò chì dimostra una cuntinuazioni di ciò chì hè statu u fundamentu stessu di a CAPA. Un sistema di guvernenza chì cunveni di manera tutali à u novu presidenti.
Steti à senta à Laurent Marcangeli.
Sur le même sujet
