Laurent Marcangeli - Jean-Marc Ayrault : à attaque acérée, réponse cinglante
Laurent Marcangeli - Jean-Marc Ayrault: à attaque acérée, réponse cinglante
(A redazzioni d'Alta Frequenza) - A campagna eletturali in Aiacciu cumencia forti forti ! Hè un veru SCUD chì hè statu tiratu oghji (marcuri) da Laurent Marcangeli è micca solu nant'à a casa cumuna parchì quissu quì hà ribumbatu fin'è l'Elysée. U ghjovanu diputatu aiaccinu hà accusatu tuttu simpliciamenti u presidenti di a Republica d'essa un agenti eletturali à prò di Simon Renucci, allusioni fatta ben intesu à i prughjetti di u "fond de baie", di l'uspidali è di u cartulari di a citadella, ammintati duranti u passaghju di François Hollande à a merria d'Aiacciu. U dispusitivu di l'Elysée è di u guvernu pà cuntrà què era di sicuru à l'altezza di l'uffesa è Jean Marc Ayrault ùn s'hè micca fattu prigà pà appughjà nant'à u buttoni.
Steti à senta a risposta di u Primu ministru à Laurent Marcangeli duranti i quistioni urali à u guvernu ssu dopu meziornu.
Sur le même sujet
