Le 11e Festival International de la BD d'Ajaccio débute ce matin
(A redazzioni d'Alta Frequenza) - L'11a ediziioni di u Fistivali Internaziunali di a BD d'Aiacciu principia stamani (vennari) pà tena si fin'è dumenica à sera à u palazzu di i Cungressi. À u prugramma quist'annu, 35 autori di rinonima, numarosi mostri, attelli à parechji pà i chjuchi è i maiò è cunfarenzi. Una manifestazioni, cù un'intrata di gratisi, è chì vi prumetti dinò tanti surpresi andendu à scopra un mondu di figuretti sempri cusì putenti. L'appuntamentu hè dunqua datu à partasi di stamani à 10 ori à u palazzu di i Cungressi d'Aiacciu, induva Radiu Alta Frequenza sarà prisenti cù u so studiu tutta a dumenicata.
Sur le même sujet
