Le 13ème Festival International de la BD d'Ajaccio : les auteurs primés
(A redazzioni d'Alta Frequenza) - U 13imu Fistivali Internaziunali di a BD d'Aiacciu è di a Corsica Suttana si teni dipoi arimani (vennari) è fin'è dumenica à sera in u Palazzu di i Cungressi d'Aiacciu. Una festa di u 9imu arti in prisenza d'autori di rinonima, d'animazioni, d'attelli, di mostri diversi è varii è dinò di cunfarenzi dibattiti. C'era ssu vennari ind'i Salotti nabuliuniani di a Casa Cumuna a rimessa di i premii di u fistivali 2015. Novi autori sò stati premiati da i sfarenti partinarii di a manifistazioni. Espé et Piatzszek pà L’Ile des Justes (premiu Méditerranée de Cullittività Tarrituriali di Corsica), Lisandru Ristorcelli pà Traînée jaune de Comicswood (premiu Evasion di France 3 Corse Via Stella), Robin Raffalli pà Chevaliers de sables (premiu Jeunesse de a libraria Album), Laurent Hirn pà Le Pouvoir des innocents (premiu Aventure du Cunsighju Dipartimintali di Corsica Suttana), François Ravard pour Les Mystères de la Cinquième République (premiu dittu Coup de Cœur di u Retturatu di Corsica), Juanjo Guarnido pà Blacksad (Grand Prix d’Ajaccio di a Cità), Lucien Rollin pà Le Gouffre de Padirac (premiu Spécial di a ghjuria pà l'Associu Case et Bulle), Crisse pà Atlante l’Odyssée (premiu Fantasy/Histoire di l’Informateur Corse Nouvelle), è infini Joël Parnotte pà Le Maître d’armes (premiu dittu du Patrimoine di Corse Matin).
