Le collectif des victimes de Furiani était présent au stade de France
(A redazzioni d'Alta Frequenza) - Micca scontri u 5 di maghju. Eccu u missaghju chì avarà disturbatu u presidenti di a LFP, Frédéric Thiriez, quandu i ghjucadori bastiacci, purtendu un t-shirt cù ssu missaghju, sò passati pà pighjà davanti à ellu a so midaglia senza salutà u presidenti di a LFP dopu à a partita. Ancu s'ellu era privistu, senza sapella, u gestu di i ghjucadori hà vindicatu u ricusu seccu di l'urganizatori di ssa finali, sempri a LFP, di lacà entra, fora di certi striscioni di paesi è di banderi banali com'è quilla di l'anzianu gruppu Testa Mora, u striscionu "Pas de match le 5 mai" ch'ellu vulia fà entra u cullittivu di i vittimi di a catastrofa di Furiani, prisenti à u stadiu di Francia. Calchì ora nanzi à a partita, u cullittivu avia urganizatu una cunfarenza di stampa pà ramintà a so lotta, cù un missaghju chì hè statu mandatu torna grazia à a lettara di più di 140 eletti corsi data à u ministru di a ghjuventù è di i sports, Patrick Kanner, è à Frédéric Thiriez, da u merri di Bastia, Gilles Simeoni.
Steti à senta à Josepha Guidicelli, a presidenti di u cullittivu.
Sur le même sujet
