Le collectif des victimes de Furiani plutôt satisfait après sa rencontre avec la ministre des Sports
(A redazzioni d'Alta Frequenza) - Ssu vennari, Josepha Guidicelli, Vanina Guidicelli, Bastien Dumas è Didier Grassi, chì facini parti di u cullettivu di i vittimi di a catastrofa di Furiani, ani scuntratu a ministra di i sports Najat Vallaud-Belkacem à trè ghjorni di u vintiduiesimu anniversariu di a tragedia chì hà inghjinnatu a morti di diciottu parsoni è millai di feriti u 5 di maghju di u 1992. À u centru di i dibattiti, a santuarisazioni di ssa data ind'i calendarii di u ballò francesi da fà chì più nisun scontru sighi ghjucatu un 5 di maghju in Francia, ma dinò di manera più glubali pà cumemurà ssa catastrofa à u nivellu naziunali. S'è nisun ingaghjamentu hè statu presu da a ministra, u cullettivu hà pinsatu ch'ellu hè statu ascultatu à a fin di ss'intrattenu, ciò chì hè dighjà un prugressu di pettu à i rilazioni intrattinuti fin'è tandu cù Valérie Fourneyron, l'anziana ministra di i sports chì ùn avia mai vulsutu riceva u cullettivu. Ci sarà di sicuru un appuntamentu novu à l'avvena, u tempu di lacà a nova ministra è i so cunsighjeri studià bè u cartulari.
Steti à senta à Josepha Guidicelli pà u cullettivu.
