Le collectif des victimes de Furiani satisfait après l'adoption d'une motion au conseil municipal de Bastia
(A redazzioni d'Alta Frequenza) - U cunsighju municipali di Bastia hà aduttatu ssu marti à l'unanimità una muzioni da fà chì più nisun scontru di ballò si ghjuchessi un 5 di maghju in Francia, in mimoria di a catastrofa di Furiani accaduta in u 1992, inghjinnendu a morti di diciottu parsoni è feriti fisichi è murali pà millai d'altri. Una suddisfazioni pà u cullettivu di i vittimi, postu chì in u 2013, a listessa muzioni, pruposta da Gilles Simeoni è u gruppu Inseme per Bastia, inde l'uppusizioni à l'epica, ùn era micca stata aduttata par via di l'assenza di votu da a parti di a maghjurità di l'epica purtata da Emile Zuccarelli. Ci hà da essa oramai un appuntamentu assai impurtanti pà ssa fin di sittimana, postu chì vennari, u cullettivu hà da scuntrà a nova ministra incaricata di i sports, Najat Vallaud Belkacem, un affari chì ùn era più accadutu à u cullettivu dipoi u passaghju di David Douillet in ssi funzioni quì à a fin di u mandatu prisidinziali di Nicolas Sarkozy.
Steti à senta à Lauda Guidicelli, pà u cullettivu.
Sur le même sujet
